 |
Kieran Behan gymnastic कायरन बेहान (Kieran Behan) : जीवघेण्या अपघातातूनही बाहेर येत जिम्नॅस्टिक्समध्ये छाप उमटवणारा खेळाडू
M. +91 80875 64549
     Kieran Behan gymnastic
संकटे कोणाला चुकली नाहीत...? काही जणांनी संकटांनाच संधी मानले; पण त्याच्या आयुष्यात अशा जीवघेण्या संकटांची मालिका सुरू झाली, की ही संकटेच त्याच्या प्रत्येक संधीत बाधा ठरत गेली. एकूणच काय, तर सगळ्या संधींवरच घाव घालणारी ही संकटे होती. मात्र, त्यावर मात करीत त्याने ऑलिम्पिकपर्यंत मजल मारली. ही कहाणी आहे कायरन बेहान (Kieran Behan) या इंग्लंडमधील जन्मलेल्या एका आयरिश जिम्नॅस्टची, ज्याने ऑलिम्पिकमध्ये मजल मारली.
दक्षिण लंडनमधील क्रॉयडन शहरात जन्मलेल्या कायरनचे आईवडील मूळचे आयर्लंडचे. इंग्लंडमधून नंतर हे आयरिश कुटुंब आपल्या मायदेशी स्थायिक झालं. मात्र, यात कायरनचे आयुष्य भयंकर यातनांतून गेले. अवघ्या दहा वर्षांचा असताना त्याच्या मांडीवर शस्त्रक्रिया करून कर्करोगाचा ट्युमर बाहेर काढण्यात आला. ही शस्त्रक्रिया इतकी गुंतागुंतीची होती, की मज्जातंतूंच्या वेदनांनी तो सारखा विव्हळत होता. मात्र, या शस्त्रक्रियेनंतर त्याला चालताच येत नव्हते. तब्बल दीड वर्ष तो व्हीलचेअरला खिळून होता. या दुखण्यातून तो सावरला आणि जिम्नॅस्टिककडे वळला. मात्र, सराव सुरू असताना काही दिवसांनंतर कायरनच्या आयुष्यात पुन्हा जीवघेणे संकट उभे ठाकले. उंच बारवर सराव करीत असतानाच तो घसरला आणि डोक्याला गंभीर इजा झाली. उपचारानंतर कळले, की ही इजा मेंदूला झाली असून, कानाच्या आतील भागालाही धक्का पोहोचला आहे. ही जखम इतकी गंभीर होती, की कायरनने स्वतःवरचं संतुलनच गमावलं. यामुळे कायरन पुन्हा व्हीलचेअरला खिळला. वर्षभर तो शाळेत जाऊ शकला नाही. वर्षभरानंतर त्याची शाळा पुन्हा सुरू झाली; पण संकट टळलेले नव्हते. त्याला आता वॉकिंग स्टिकचा आधार घ्यावा लागत होता.
Kieran Behan gymnastic काठीच्या आधाराने चालताना त्याला खूप त्रास व्हायचा. हा त्रास कमी की काय, त्याला वर्गमित्रांनी चिडवायला सुरुवात केली. हेही त्याने सहन केले. मात्र, डॉक्टरांनी धक्कादायक रिझल्ट दिला. तो म्हणजे कायरनला यापुढे चालता येणार नाही. त्याचे आईवडील हादरलेच. पण कायरन हार मानायला तयार नव्हता. तब्बल तीन वर्षांनी कायरन या गंभीर दुखण्यातूनही सुखरूप बाहेर पडला. जिम्नॅस्टिकचा पुन्हा कसून सराव सुरू झाला. मग कायरनने मागे वळून पाहिलेच नाही. ज्युनिअर गटात अनेक आंतरराष्ट्रीय पदके जिंकली. उत्तम कामगिरीच्या जोरावर कायरनची २०१२ मध्ये युरोपियन चॅम्पियनशिपसाठी निवड झाली. अर्थात, कायरनच्या जीवघेण्या परीक्षा अजून संपलेल्या नव्हत्या. स्पर्धेला सहा आठवडे बाकी असतानाच कायरनवर नवे संकट कोसळले. सराव करताना उंच बारवरून तो कोसळला आणि गुडघ्याच्या लिगामेंट तुटल्या. ही संकटे एकामागोमाग झेलत असताना कायरन खचला मुळीच नाही. तो जिद्दीने पुन्हा उभा राहिला. २०११ मध्ये मात्र त्याने कमालच केली. बर्लिनमध्ये झालेल्या युरोपियन चॅम्पियनशिपमध्ये रौप्य, तर वर्ल्ड चॅलेंज कप सीरिजमध्ये कांस्य पदक जिंकले. ही दोन्ही पदके त्याने फ्लोअर प्रकारात जिंकली. त्यानंतर २०१२ मध्ये त्याने लंडन ऑलिम्पिकमध्ये आयर्लंडचे प्रतिनिधित्व केले. जिम्नॅस्टिकमध्ये ऑलिम्पिकमध्ये सहभाग घेणारा तो आयर्लंडचा दुसराच खेळाडू ठरला. २०१४ व २०१५ अशी सलग दोन वर्षे त्याने युरोपियन चॅम्पियनशिपमध्ये फ्लोअर व उंच बार प्रकारात तीन सुवर्णपदके मिळविली. लक्ष्याचा वेध घेताना दुर्दम्य इच्छाशक्ती, जिद्द काय असते, याचे उत्तम उदाहरण म्हणजे कायरन. कायरनविषयी हेही जाणून घ्या...
|
संकटांना पराभूत करणारा जिम्नॅस्ट
Comments